Հարգելի հայրենակիցներ,
Հայաստան համահայկական հիմնադրամի ֆինանսավորմամբ և Հիլֆմանն հոգեբանական ծառայության կողմից իրականացվող «Հիլֆմանն Ռեհաբ» ծրագիրն ավարտվեց։
«Հիլֆմանն» հոգեբանական ծառայության թիմն իրականացնում է «Hilfmann Rehab» ծրագիրը, որը նախատեսված է պատերազմից տուժած անձանց հոգեբանական աջակցության և հոգեսոցիալական վերականգնման համար։
Ծրագրի շրջանակներում անվճար հոգեբանական աջակցության (խորհրդատվության և հոգեթերապիայի) համար դիմել կարող են՝
- գերեվարության մեջ եղած անձինք,
- գերեվարված և/կամ անհետ կորած անձանց ընտանիքի անդամներ,
- զոհվածների ընտանիքի անդամներ,
- ռազմական գործողություններին մասնակցած պայմանագրային և ժամկետային զինծառայողներ, կամավորներ և պահեստազորայիններ և իրենց ընտանիքի անդամները։
Նպատակը՝ պատերազմից տուժած անձանց մոտ՝ սուր սթրեսով և հոգետրավմայով պայմանավորված խանգարումների հնարավոր զարգացումը կամ խորացումը կանխարգելել և/կամ հաղթահարել։
Մեթոդը՝ Հոգեբանական խորհրդատվություն և հոգեթերապիա։
Մեթոդաբանությունը/մոդալությունը՝
- Կոգնիտիվ-վարքաբանական թերապիային ներառյալ՝ կոգնիտիվ մշակում, երկարաձգված էքսպոզիցիա և գրավոր բացահայտման թերապիա),
- Աչքերի շարժումներով դեսենսիբիլիզացիան և վերամշակում (EMDR)։
Ձևաչափը՝ անհատական; առկա կամ առցանց։
Պատերազմական և հետպատերազմական ժամանակներին առավել բնորոշ հոգեկան խանգարումներն են՝
– սթրեսով և հոգետրավմայով պայմանավորված խանգարումները, որոնցից հիմնականներն են՝ Սուր սթրեսային խանգարումը (Acute Stress Disorder) և Հետտրավմատիկ սթրեսային խանգարումը (Post-Traumatic Stress Disorder),
– տագնապային խանգարումները,
– դեպրեսիվ խանգարումները։
Համաձայն՝ Առողջապահության համաշխարհային կազմակերպության, Ամերիկյան հոգեբանական ասոցիացիայի, Ամերիկյան հոգեբուժական ասոցիացիայի և Տրավմատիկ սթրեսի ուսումնասիրությունների միջազգային ընկերակցության՝ Աչքերի շարժումներով դեսենսիբիլիզացիան և վերամշակումը (EMDR), կոգնիտիվ-վարքաբանական թերապիային (ներառյալ՝ կոգնիտիվ մշակում, երկարաձգված էքսպոզիցիա և գրավոր բացահայտման թերապիա) զուգահեռ, համարվում են առաջին ընտրության հոգեթերապևտիկ մեթոդ (First Choice Therapy) սթրեսով և հոգետրավմայով պայմանավորված խանգարումների համար, որոնցից հիմնականներն են՝ Սուր սթրեսային խանգարումը (Acute Stress Disorder) և Հետտրավմատիկ սթրեսային խանգարումը (Post-Traumatic Stress Disorder)։
Ծրագրի գործընկեր՝
