Sorry, this entry is only available in Armenian. For the sake of viewer convenience, the content is shown below in the alternative language. You may click the link to switch the active language.
Ողջույն 🙂 Ես Արման Բեգոյանն եմ՝ “Հիլֆմանն” հոգեբանական ծառայության գլխավոր մասնագետը, և առաջարկում եմ քեզ միանալ մեր թիմին:
Մեր թիմն ընդլայնվում է և կարիք ունի նոր հավեսով ու պրոֆեսիոնալ անդամների, քանի որ (հաշվի առնելով տեղեկատվական տեխնոլոգիաների սրընթաց զարգացումն ու առցանց/VR/AR հոգեբանական ծառայությունների արդյունավետությունն ու առավելությունները) “Հիլֆմանն”-ը թիրախավորում է հոգեբանական ծառայությունների մատուցման առցանց ձևաչափը։
Այսպիսով, մենք ոտք ենք դնում մեր թիմի զարգացման նոր փուլ՝ ընդարձակելով մեր ծառայությունների մատուցման աշխարհագրությունը և դարձնելով դրանք հասանելի երկրագնդի բոլոր անկյունների բնակիչների համար։ Եվ եթե դու ցանկանում ես միանալ մեր թիմին և ունենալ քո ներդրումն այդ ամենում, ապա աչքի անցկացրու ստորև բերված կետերը․ եթե բոլորին պատասխանեցիր “այո”, մենք անհամբեր սպասում ենք քեզ:
- Ունես հավես և ցանկություն միանալու մեր թիմին,
- ցանկանում ես զգալ ֆրիլանսի հաճույքը՝ աշխատելով երկրագնդի որ կետից որ սիրտդ տա,
- ունես ակադեմիական կրթություն հոգեբանության ոլորտում (նվազագույնը՝ մագիստրոսի աստիճան),
- հայերենից բացի կարողանում ես աշխատել նաև գոնե մեկ օտար լեզվով,
- տիրապետում ես ժամանակակից տեղեկատվական տեխնոլոգիաներին և ունես առցանց շփման գրագիտություն/հմտություններ,
- ունես հոգեբանական խորհրդատվության և հոգեթերապիայի փորձ։
Դե ինչ, դեռևս այսքանը։ Իսկ մանրամասների համար կարող ես կապվել անմիջապես ինձ հետ՝ այս միջոցներով։ Առայժմ ։)